ಪ್ರಶ್ನೆ : ಮಯ್ಯಿತ್ತನ್ನು ಮಸ್ಜಿದ್‌ಗೆ ತಂದಾಗ ಫರ್‌ಳ್ ನಮಾಝನ್ನು ಜಮಾಅತ್‌ನ ಸಮಯವಾಗಿದ್ದರೆ ಯಾವ ನಮಾಝನ್ನು ಮೊದಲು ನಿರ್ವಹಿಸಬೇಕು?
ಉತ್ತರ : ಫರ್‌ಳ್ ನಮಾಝ್ ನಂತರ ಮಯ್ಯಿತ್ ನಮಾಝಿಗೆ ಇನ್ನೂ ಹೆಚ್ಚು ಜನ ಸೇರುವ ನಿರೀಕ್ಷೆ ಇದ್ದು ಮಯ್ಯಿತ್ ಗೆ ಏನೂ ಹಾನಿ ಉಂಟಾಗುವ ಭಯ ಇಲ್ಲದಿದ್ದರೆ ಫರ್‌ಳ್ ನಮಾಜ್‌ನ ಜಮಾಅತ್ ಮೊದಲು ನಿರ್ವಹಿಸಿ ನಂತರ ಮಯ್ಯಿತ್ ನಮಾಝ್ ಮಾಡುವುದು ಉತ್ತಮ. ಫರ್‌ಳ್ ನಮಾಝ್ನ ನಂತರ ಇನ್ನೂ ಹೆಚ್ಚು ಜನ ಸೇರುವ ನಿರೀಕ್ಷೆ ಇಲ್ಲದಿದ್ದರೆ ಅಥವಾ ಮುಂದೂಡಿದರೆ ಮಯ್ಯಿತ್ ಹಾನಿಯಾಗುವ ಭಯವಿದ್ದರೆ ಮಯ್ಯಿತ್ ನಮಾಝ್ ಮೊದಲು ನಿರ್ವಹಿಸಬೇಕು.
ಇಂತಹ ಸಂದರ್ಭದಲ್ಲಿ ಜುಮುಆ ನಮಾಝಾಗಿದ್ದರೆ ಮಯ್ಯಿತ್ ನಮಾಝ್ ಮೊದಲು ನಿರ್ವಹಿಸಿ ಮತ್ತೆ ಜುಮಾ ಖುತ್‌ಬಾಕ್ಕೆ ಪ್ರವೇಶಿಸಬೇಕು. ಧಪನ ಮಾಡಲು ಅತ್ಯಗತ್ಯವಿರುವವರು ದಫನಕ್ಕಾಗಿ ಹೋಗಬೇಕು. ಅವರಿಗೆ ಮಾತ್ರ ಜುಮುಅಕ್ಕೆ ವಿನಾಯಿತಿ ಇದೆ. ದಫನ ಮುಗಿದು ಬರುವಾಗ ಜುಮುಅ ಸಿಕ್ಕಿದರೆ ಜುಮಾ ನಿರ್ವಹಿಸಬೇಕು. ಸಿಗದಿದ್ದರೆ ಳುಹ್ರ್ ನಮಾಝ್ ನಿರ್ವಹಿಸಬೇಕು.
