ಪ್ರ : ಮೂತ್ರ ಶಂಕೆಯ ನಂತರ ಕೊನೆಯಲ್ಲಿ ಉಳಿದ ಒಂದೆರಡು ಹನಿಗಳು ಕುಳಿತಲ್ಲಿಂದ ನೇರ ನಿಂತು ಕೊಂಡ ನಂತರ ಹೊರ ಬಂದು ವಸ್ತ್ರಕ್ಕೆ ತಾಗುತ್ತದೆ. ಇದನ್ನು ಶುಚೀಕರಿಸದೆ ಇದೇ ವಸ್ತ್ರದಲ್ಲಿ ನಮಾಜು ಮಾಡುವುದರಿಂದ ತೊಂದರೆ ಇದೆಯೆ?
ಉ : ಮೂತ್ರದ ಒಂದು ಹನಿಯೂ ನಜಸ್ ಆಗಿದೆ. ಅದು ನಮಾಜು ಮಾಡುವವನ ವಸ್ತ್ರ, ಶರೀರದಲ್ಲಿದ್ದರೆ ಅದರೊಂದಿಗೆ ನಮಾಜು ಸಿಂಧುವಾಗುವುದಿಲ್ಲ. ಆದ್ದರಿಂದ ಮೂತ್ರ ಶಂಕೆಯ ಕೊನೆಯಲ್ಲಿ ಉಳಿಯುವ ಮೂತ್ರದ ಹನಿಯು ಶರೀರಕ್ಕೆ ಯಾ ವಸ್ತ್ರಕ್ಕೆ ತಾಗದಂತೆ ಜಾಗ್ರತೆ ವಹಿಸಬೇಕು. ಅದಕ್ಕಾಗಿ ಮೂತ್ರನಾಳದಿಂದ ಅದು ಸಂಪೂರ್ಣ ಹೊರ ಬರುವಂತೆ ಬೆರಳುಗಳಿಂದ ಸವರುವುದು ಸುನ್ನತ್ತಿದೆ. ಇನ್ನು ಅಕಸ್ಮಾತ್ ವಸ್ತ್ರಕ್ಕೆ ಮೂತ್ರ ಸ್ಪರ್ಶವಾದರೆ ಅದರೊಂದಿಗೆ ನಮಾಜ್ ಸಿಂಧುವಲ್ಲ. ವಸ್ತ್ರಕ್ಕೆ ಸ್ಪರ್ಶವಾದ ಸ್ಥಳ ಹಾಗೂ ಅದು ಶರೀರಕ್ಕೆ ಸ್ಪರ್ಶವಾದರೆ ಆ ಸ್ಥಳವನ್ನೂ ತೊಳೆದು ನಮಾಜ್ ನಿರ್ವಹಿಸಬೇಕು.
